Depistaj kansè nan tete Quebec

Detekte kansè nan tete bonè epi ogmante chans pou ou geri gras a tès depistaj kansè nan tete avèk resous pou fanm ki kalifye nan Kebèk.

Fanm nan Kebèk ki ant 50 ak 74 an kalifye pou yon mamografi pou tès depistaj kansè nan tete. Fanm ki soti nan kominote defavorize yo souvan pa gen aksè ak enfòmasyon sou mamografi oswa resous ki disponib nan pwovens yo.

Pran swen sante nan nivo tete w kòmanse avèk konpreyansyon byenfè ak limit tès depistaj kansè nan tete, poukisa ou ta dwe fè tès depistaj, ak kijan pou fè yon mamografi si w ap viv nan Kebèk epi ou kalifye.

Portrait Marie-Hélène Luly for the Memo-mamo campaign.

Enpòtans tès depistaj kansè nan tete

Kansè nan tete se dezyèm kòz lanmò kansè lakòz nan mitan fanm nan peyi Kanada, yo estime 1 sou 8 fanm resevwa yon dyagnostik kansè nan tete pandan lavi yo.

Sepandan, depi 1986 pousantaj lanmò kansè nan tete lakòz te diminye a mwatye, grasa rechèch ki kontinye epi amelyorasyon mezi pou detekte l bonè ak tretman. Kounyeya, apeprè 88% nan fanm yo dyagnostike ak kansè nan tete ka siviv omwen 5 lane aprè yon dyagnostik.

Lè w fè tès depistaj pou kansè nan tete, ou ka ogmante chans ou genyen pou yo detekte kansè nan tete bonè, anvan menm sentòm yo devlope, nan moman li pi fasil pou trete.

Poukisa mwen ta dwe fè yon mamografi chak de lane?

Paske li se pi bon mwayen pou detekte kansè nan tete.

Yon mamografi ka detekte kansè nan tete byen bonè, menm anvan ou remake sentòm yo, li diminye risk ou genyen pou ou mouri akoz kansè.

Zouti tès depistaj kansè nan tete nou an ka ede w deside si w ta dwe fè yon mamografi pou tès depistaj kansè nan tete.

Two laughing women sitting close together.

Yon mamografi se yon radyografi sipèfisyèl nan tisi tete a ki bay imaj detaye sou tete a sou diferan ang.

Yon teknisyen laboratwa fi pral akeyi w. Pou egzamen an, yo mete tete a nan mitan de plak konpresyon an plastik, yo prese yo ansanm pou plati tete a. Pwosedi a ka lakòz kèk malèz, men sa a anjeneral dire sèlman kèk segonn. Yo bezwen de radyografi pou chak tete.

Konpresyon tisi tete yo bay imaj ki pi klè pandan l diminye kantite radyasyon yo itilize plis posib.

W ap santi w pa alèz pou apeprè 30 segonn pou chak tete.

Kijan pou ou fè yon mamografi nan Kebèk

Tout fanm Kebèk ki ant 50 ak 74 an resevwa yon lèt nan Pwogram Depistaj Kansè nan Tete Kebèk (PQDCS), ou itilize l pou pran yon randevou pou yon mamografi.

Ou ka fè yon mamografi nan yon klinik oswa yon sant depistaj.

Lèt Pwogram Depistaj Kansè nan Tete Kebèk la (PQDCS) bay yon lis tout sant depistaj yo deziyen kote w ka fè yon mamografi.

Gouvènman Kebèk la bay tou yon lis tout sant depistaj ki deziyen nan pwovens lan.

Portrait of Alix Ortega for the Memo-mamo campaign.

Èske ou genyen ant 50 ak 74 an men ou poko resevwa lèt ou a?

Si w ap viv Kebèk, tanpri kontakte sant kowòdinasyon sèvis rejyonal PQDCS pou zòn ou an.

Èske ou genyen mwens pase 50 lane epi ou enterese fè yon mamografi?

Pale ak moun k ap ba w swen pou sante w sou risk pèsonèl ou genyen pou kansè nan tete ak byenfè ak limit mamografi.

Si w gen nenpòt lòt kesyon sou fason pou w fè yon mamografi nan Kebèk, tanpri vizite sit entènèt Ministè Sante ak Sèvis Sosyal la pou plis enfòmasyon sou Pwogram Depistaj Kansè nan Tete Kebèk la (an fransè ak anglè).

Lèt ou resevwa tès depistaj kansè nan tete Kebèk

Tout fanm Kebèk ki ant 50 ak 74 an enskri otomatikman nan Pwogram Depistaj Kansè nan Tete Kebèk la.

Apre w fin resevwa lèt ou pou pran yon randevou pou yon mamografi, kontakte sant depistaj zòn ou an.

Koute yon vèsyon odyo lèt la

Portrait of Kaimei Zhang for the Memo-mamo campaign.

Kansè nan tete se yon timè kansè (ki danjere) ki kòmanse nan selil tete yo, ki ka devlope epi detwi tisi ki toupre yo. Li ka gaye tou nan lòt pati nan kò a.

Tès depistaj ede jwenn kalite kansè anvan ou gen sentòm. Li enpòtan pou fè tès sa yo, menm si ou santi w byen epi ou viv yon fason ki bon pou lasante. Yo fè pati swen medikal regilye w.

Yon mamogram se yon radyografi tete ki detekte kansè. Li se pi bon metòd depistaj pou kansè nan tete.

Mamografi se sèl metòd tès depistaj ki ede diminye kantite lanmò kansè nan tete lakòz. (Sitwèb Gouvènman Kebèk)

Ministè Sante ak Sèvis Sosyal te lanse Pwogram Depistaj Kansè nan Tete Kebèk la (PQDCS) nan mwa me 1998.

PQDCS rekòmande pou fanm ki ant 50 ak 74 an fè yon mamografi chak 2 zan. Yon mamografi se sèl tès depistaj ki ka diminye kantite lanmò kansè nan tete lakòz.

Depi kòmansman PQDCS la, objektif la se te diminye a 25% lanmò kansè nan tete lakòz kay fanm ant 50 ak 74 an . Rezilta yo pozitif anpil jiska prezan.

Dapre Collège des médecins du Québec, yon preskripsyon se yon enstriksyon alekri yon doktè, dantis oswa lòt pwofesyonèl medikal lalwa otorize yo bay.

Nòmalman yo ekri yo pou medikaman, tretman, egzamen, oswa swen, yo dwe bay yon moun oswa yon gwoup moun, ansanm ak fason yo ta dwe bay yo.

Yon radyografi se yon tès imaj ki sèvi ak ti dòz radyasyon pou pwodui foto ògàn entèn yo ak estrikti kò a.

Wi pandan tès la, se bò kote fanm sèlman w ap ye.

Pou pran yon randevou, ou dwe kontakte yon sant depistaj ki deziyen. Lèt Pwogram Depistaj Kansè nan Tete Kebèk la (PQDCS) bay yon lis tout sant depistaj yo deziyen kote w ka fè yon mamografi.

Ou kapab gade tou nan lis Gouvènman Kebèk la pou ou jwenn lis sant depistaj yo deziyen nan pwovens lan.

Gen yon vèsyon odyo lèt la ki disponib ki eksplike enfòmasyon ki nan lèt la.

Ale sou kisa kansè nan tete ye pou plis enfòmasyon.

Ou ka rele Liy Asistans Enfòmasyon sou Kansè Sosyete Kanadyen Kansè a gratis nan 1-888 939-3333. Sèvis nou an disponib soti lendi pou rive vandredi an anglè ak fransè. Pou lòt lang, nou ka jwenn yon sèvis entèprèt.

Wi tanpri rele Liy Asistans Enfòmasyon sou Kansè Sosyete Kanadyen Kansè nan 1-888-939-3333 epi yon moun ka ede w.

Si ou genyen 40 rive 49 lane:

Nan Kanada, direktiv nasyonal yo endike fanm ki gen ant 50 ak 74 an lane benefisye piplis nan tès depistaj kansè nan tete regilye atravè mamografi. Sepandan, byenfè yo pou fanm ki poko gen 50 lane yo toujou poko klè.
Si ou gen mwens pase 50 lane epi ou ta renmen fè yon mamografi, kòmanse pale ak moun k ap ba w swen pou sante w sou byenfè yo ak limit tès depistaj regilye yo atravè mamografi. Asire w ou mansyone dosye familyal oswa pèsonèl anrapò ak maladi a, si genyen. Dosye w la ka jistifye tès depistaj nan yon laj pi jèn oswa nan entèval ki pi kout.

Si ou gen 75 lane oswa plis:

Pale ak moun k ap ba w swen pou sante w pou ou konnen si fè yon mamografi bon pou ou.

Resous nou yo ka ede w pran bon desizyon sou tretman epi gen plis kontwòl sou sante w ak sante fanmi w.

Your trusted source for accurate cancer information

With support from readers like you, we can continue to provide the highest quality cancer information for over 100 types of cancer.

We’re here to ensure easy access to accurate cancer information for you and the millions of people who visit this website every year. But we can’t do it alone.

Every donation helps fund reliable cancer information, compassionate support services and the most promising research. Please give today because every contribution counts. Thank you.